Имам Ғаззали[1] 1111 ж. Жумадул-ахира айының дүйсенбі күні Тус қаласында қайтыс болды. Табыран қабірінде жерленген. Әбу Фараж ибн Жаузи “Сәбат инда мамат” атты кітабында имам Ғаззалидың бауыры Ахмадтың былай дегенін жеткізеді: Дүйсенбі күні таңғы уақытта бауырым Әбу Хамид Ғаззали дәретін алып намазын оқығаннан кейін маған кебінімді алып келіңдер деді. Кебінін қолына алып оны сүйіп қасына қойды. Артынша “періштенің кіруіне рұқсат”,- деді. Осылайша екі аяғын созып, жүзін құбылаға қаратып жан тапсырды. Алла мейріміне алсын[2].